Adimen artifizialak euskaraz egin dezan, erronka berri bat dugu euskaldunok. Izan ere, makinek gure hizkuntza ulertu eta hitz egin ahal izateko, lehenago irakatsi egin behar diegu. Euskara mundu digitalean sar dadin, guk lagundu behar diogu. Gaitu proiektua funtsezkoa da euskarazko ahots-teknologiak garatzeko, hala nola laguntzaile birtualak eta ahotsaren ezagutza. Ahots-datuak ematean, teknologia horiek guztiontzat inklusiboagoak eta zehatzagoak izan daitezen laguntzen ari gara. Horretarako, ezinbestekoa da euskal gizartearen elkarlana. Milaka ahots behar ditugu, milaka grabazio euskaraz, guztion artean euskarazko tresna eta aplikazio berriak sortzeko datu-basea izan dezagun.
Ekimen irekia da, irabazi-asmorik gabea eta kolaboratiboa. Orain, helburua masiboa bihurtzea da. 105 hizkuntzatan hasiak dira Common Voice-en ahots ekarpenak egiten, tartean euskaraz.
Egin bat erronkarekin, eman zure ahotsa eta egin ieaziozu ekarpena geure hizkuntzaren eta kulturaren garapenari!
Webgune honetan Eusko Jaurlaritzak diruz lagundutako edo egindako euskarazko produktuak jaso ditugu, sarean eskuragarri diren produktuak.
Produktuak bi eratara sailkatuta aurkituko dituzu: kategoriaren arabera eta motaren arabera. Bilaketak egiteko aukera ere baduzu.
Zure enpresa edo entitateak egindako baliabideren bat webgune honetan egotea nahi baduzu, nahiz eta diruz lagundutakoa ez izan, eskaera egin dezakezu formulario hau bidalita:
